دارىلىق قاسىيەتى
1)چىچىرقاناقتىن اشى ورگانىزمگە كەرەكتۉۉ ناترئي، ماگنىي، كىرەمنىي، تەمىر، اليۇمئني، كالتسىي، نىكەل، مارگانەتس ۅڭدۉۉ زاتتارعا باي. مىندان سىرتقارى قۇرامىنداعى ۋىتامىندەر:
2) ۋ1، ۋ2، B6، B15 – ادامدىن نەرۋ، تاماق سىڭىرۉۉ سىستەماسىنىن جانا جۉرۅكتۉن ىشتەشىن جاقشىرتات. جاش بالداردىن بويۇنۇن ۅسۉشۉنۅ جانا جارااتتىن ەرتە ايىعىشىنا تااسئرى چوڭ.
3) ىممۇنىتەتتى چىڭداپ، سۇۇق تىيگەندە پايدا بولۇۇچۇ وورۇلاردان ساقتايت.
4) ىممۇنىتەتتى كۅتۅرۉپ، بۇلچۇڭداردىن چىڭ بولۇشۇن قامسىزدايت.
5) تەرىدەگى زات الماشۇۇنۇ جۅنگۅ سالات.
6) قان اعۇۇنۇ ازايتات جانا ۇۇعا قارشى قاسىيەتكە ەە.
مايى
كەسىپ جە وتقو كۉيگۉزۉپ العان دەنەنى ايىقتىرۇۇدا قولدونۇلات. كۉيۉكتۅ تىرىق قالتىربايت.
ۇنۇتچااقتىقتا قولدونسو، ەس-تۇتۇمدۇ قالىپقا كەلتىرەت. سىترەس، دەپرەسسىيادا پايدالانسا، نەرۋدى تىنچتاندىرات.
اشقازان-ىچەگى وورۇسۇندا مايى ازدان ئچىلىپ، جاتىن مويۇنچاسىنىن ەروزىياسىندا تامپون قاتارى قولدونۇلات.
جالبىراعى دا دارى
چاچ تۉشكۅندۅ...
2 سىتاكان قايناق سۇۇعا 2 اش قاشىق چىچىرقاناقتىن اشى مەنەن بئر از جالبىراعى الىنىپ، 2 ساات دەمدەلەت. انان 150 گىرامدان كۉنۉگۅ 2 جولۇ تاماقتىن الدىنان ىچىلەت. جاتار الدىندا باشقا سۉيكۅۅ دا سۇنۇشتالات.
مۇۇن وورۇسۇندا...
مۇۇن جانا قىزىل جۉگۉرۉك (رىيەۋماتىزم) وورۇلارىندا 1 سىتاكان سۇۇعا 1 اش قاشىق مايدالانعان جالبىراعى سالىنىپ، 10 مۉنۅت قايناتىلات. كۉنۉگۅ 1-2 سىتاكاندان 2 ماال ىچۉۉ كەرەك.
كوسمەتىكادا
قۇرعاق بەتكە ماسكا. چىچىرقاناقتىن شىرەسىنەن داياردالعان ماسكا قۇرعاق تەرىلۉۉ بەتكە جاقشى جاردام بەرەت. نىمدۇۇلۇقتۇ ساقتاپ جۇمشاق قىلات جانا بەتتى ۋىتامىندەر مەنەن ازىقتاندىرات. بىرىشتى جازىپ، تەرىنى سەرگىتۉۉچۉ قاسىيەتكە ەە.
كەرەكتۉۉ ازىقتار:
1 چاي قاشىق چىچىرقاناقتىن شىرەسى
1 چاي قاشىق چىچىرقاناقتىن مايى
1 جۇمۇرتقانىن سارىسى
داياردوو:
جوعورۇداعى ازىقتاردى جاقشىلاپ ارالاشتىرۇۇ كەرەك. ەگەر چىچىرقاناقتىن شىرەسى جوق بولسو، الما جە، اپەلسىن جە ماندارىندىن جاڭى سىعىلىپ الىنعان شىرەسى دەلە جارايت. دايار بولعون ماسسانى بەتىڭىزگە تەگىز سىيپاپ، 15-20 مۉنۅتتۅن كىيىن جىلۇۇ سۇۇ مەنەن جۇۇپ سالۇۇ زارىل.
اشقانادا
چىچىرقاناقتىن اشىنان قىيام، پىيۇرە، پوۋىدلو جانا شىرە داياردالات.
قىيام
كەرەكتۉۉ ازىقتار:
1 كىلوگىرام چىچىرقاناقتىن اشى
1 كىلوگىرام قۇمشەكەر
1 لئتر 200 گرام سۇۇ
داياردوو:
چىچىرقاناقتىن جۇۇلۇپ-تازالانعان مۅمۅسۉ قايناپ جاتقان سىروپتۇن ۉستۉنۅ سالىنات. بئر "بۇرق" ەتىپ قايناعان سوڭ جاي وتتو قايناتىلات. قىيامدىن دايار بولعوندوعۇ بەلگىسى: چىچىرقاناقتىن اشى بئرى-بىرىنە جابىشپاي، توپتوشپوي قالات. سىروپ تۇنۇق بولوت. دايار بولعون قىيامدى بانكالارعا قۇيۇپ قويۇۇ كەرەك.
لىموناد
كەرەكتۉۉ ازىقتار:
1 سىتاكان چىچىرقاناقتىن اشى
1 لئمون
100 گىرام قۇمشەكەر
100 گىرام سۇۇ
داياردوو:
چىچىرقاناقتىن اشىن ەت تۇۇراعىچتان ۅتكۅرۉپ، ۉستۉنۅ قۇمشەكەر قوشۇپ جاي وتقو قايناتىپ الۇۇ كەرەك. انان سۇۇ قۇيۇپ داعى بئر جولۇ قايناتىپ الىپ، 2 ساات مۇزداتۇۇ زارىل. لئموناد ىچۉۉگۅ دايار.
وڭوي جىينوو جولۇ
چىچىرقاناقتىن اشىنداعى پايدالۇۇ ۋىتامىندەر جوعولبوشۇ ۉچۉن 15 گىرادۇستان جوعورقۇ سۇۇقتا جىينوو زارىل. قىشتىن باشىندا ەرتەڭ مەنەن ەرتە چوعۇلتۇۇ وڭوي. ال ۉچۉن چىچىرقاناقتىن تۉبۉنۅ كىلەيونكا جە چۉپۉرۅك ماتەرىيال جايىپ، چىچىرقاناقتى سىلكىلدەتۉۉ كەرەك. سۇۇققا توڭۇپ تۇرعان اشى كۉبۉلۉپ تۉشۅت.
قىزىقتۇۇ
چىچىرقاناقتىن اشىنان داياردالعان ازىقتار ورۇس كوسموناۋتتارىنىن مەنيۇسۇنا كىرگىزىلگەن.
چىچىرقاناقتىن تامىرى جايىلىپ جانا جەرگە بەكەم قارمالىپ ۅسكۅندۉكتۅن، جەر كۅچكۉنۉن الدىن الۇۇ ۉچۉن قووپتۇۇ دەلگەن ايماقتارعا وتۇرعۇزۇلات.
دۉينۅدۅگۉ چىچىرقاناقتىن 90 پايىزى قىتايدا ۅسۅت.
قۇبانىچ سىدىقوۋ