«جۇڭگوقىرعىزەمچىلىگى»ىن ىرەتتەپ،ىزىلدۅۅتالقۇۇجىينالىشى
2012-جىلى 12-ايدىن 28-29-كۉندۅرۉ وبلاستىق وورۇلاردىن الدىن الۇۇ تىزگىندۅۅ بوربورۇنۇن جىيىن
زالىندا وبلاستىق سالاماتتىقتى ساقتوو ئداراسىنىن باش بولۇپ ۇيۇمدووسۇندا «جۇڭگو قىرعىز
ەمچىلىگى»ىن ىرەتتەپ، ىزىلدۅۅ تالقۇۇ جىينالىشى سالتاناتتۇ اچىلدى. اتالعان جىيىنعا وبلاستىبىزدىن ورۇنباسار وبلاس باشچىسى قالبىنۇر ۉسۅن قىزى، وبلاستىق ەل ۅكمۅتۉنۉن ورۇن باسار باش قاتچىسى، وبلاستىق سالاماتتىق ساقتوو ئداراسىنىن باشچىسى ۇچقۇن مامەتوروزو ۇۇلۇ، جاقىندا ەلە وبلاستىق قىرعىز ەل باسماسىنا سەكىراتار جانا باش باسما باشچىسى بولۇپ دايىندالىپ كەلگەن ابدىراي وسمون ۇۇلۇ قاتارلۇۇ جەتەكچىلەر، جانا شئنجاڭدىن تۉندۉك، تۉشتۉگۉنۅن كەلگەن چوڭ-كىچى قىرعىز ەمچى، تابىپچىلارى، وشوندوي ەلە قىرعىز ەمچىلىگى بويۇنچا جاقىنقى جىلداردان بەرى ئزدەنىپ كەلاتقان دۉيشۅبەك سىدىق،تۅلۅگۅن ساتار، ادىل جولبورس قاتارلۇۇ جاش مۇۇن قىرعىز ەمچىلىگىن ۇلانتۇۇچۇلار بولۇپ جالپى 60دان اشۇۇن قىرعىز ەمچىلىگىنىن كۉيۅرمانى قاتناشتى. جىينالىشتا الدى مەنەن جەتەكچىلەر قىرعىز ەمچىلىگى بويۇنچا ورچۇندۇۇ ويۇن ورتوعو سالىپ، ورۇنداشتىرۇۇ الىپبارعانسوڭ، ۇلاپ ەلە قىرعىز ەمچىلىگى بويۇنچا جاقىنقى جىلداردان بەرى ىرەتتەلىپ، جىينالعان تابىلعالار قورتۇندۇلاندى. اتالعان تالقۇۇ جىيىن ەكى كۉنگۅ سوزۇلۇپ، تالقۇۇلوو باسقىچىندا، كەەبىر اتايىن كەسىپتىك ئزىلدۅۅلۅردۉن ناتىنجالارى اشكەرە ورتوعو سالىنىپ، قىرعىز ەمچىلىگىندە قولدونۇلعان داارى چۅپتۅر، جانا انى دايىندو ىقمالارى، شايماندارى ەكىراندا كۅرسۅتۉلۉپ، قالىڭ قاتناشۇۇچۇلاردىن بۉيۉرۉن قىزىتتى. وشوندوي ەلە مۇندان ارقى قىلۇۇچۇ قىزماتتار ورۇنداشتىرىلىپ، بات جاقىندا اتالعان ەمگەك بويۇنچا 5بۅلۉكتۉۉ كىتەپ باسمادان چىعاارىن باسا كۅرسۅتۉشتۉ.
بۇيۇرسا، بۇل ئرەتكى قىرعىز ەمچىلىگى بويۇنچا ۅتكۅزۉلگۅن العاچقى جولقۇ تالقۇۇ جىينالىشىنىن اچىلىشى، ۇزۇن جىلداردان بەرى كۅمۉلۉپ جاتقان قىرعىز ەمچىلىك، داارىگەرلىك ئشتەرىنىن كۅزۉن اچۇۇ مەنەن بىرگە، كەلەچەك قىرعىز ەمچىلىك قۇرۇلۇشۇ ۉچۉن ۇلدۇق نەگىز سالدى دەپ ايتاار ەلەك.